Vao 22 taona monja ity tovolahy ity ary miaraka amin’iny antsy lava eny am-pelantanany iny izy rehefa manendaka. Maro ny olona efa tratrany, eny amin’ny faritra Antohomadinika toy ny eo amin’ny arrêt Mahitsy sy fiangonana Jesosy Mamonjy ary Lalamby iny no tena fanaovany ny asa ratsiny. Rehefa nisy ny fisafoana matetika nataon’ny Polisy miampy ny angom-baovao samihafa voaray dia tra-tehaka tetsy Antohomadinika omaly tokony ho tamin’ny 7 ora maraina ilay tovolahy niaraka tamin’ilay antsy lava fampiasany. Notanana avy hatrany hanaovana fanadihadiana ary hatolotra ny fampanoavana tsy ho ela.
Yv Sam
