Nikasa hanao fanafihana tao amin’ny kaominina Sahanivotry ireto dahalo ireto, no izao tra-tehaky ny mpitandro filaminana izao.Efa nivonona tamin’ny fitaovana rehetra ho enti-manafika ireto dahalo ireto no izao tra-tehaka izao. Nisy tamin’izy ireo no nitondra lefona sy zava-maranitra, tao ny nahitana ireny fanafody gasy ireny toy ny moara sy ny fangarony. Izany hoe sokajiana ho tena dahalo rain-dahiny mihitsy ireto voasambotra ireto. Teo am-panaovana ny asa fanaony amin’ny fisavana ireo fiara mandalo ny mpitandro filaminana ny Sabotsy alina teo, no nahatsikaritra andian’olona hafahafa sy toa mailomailo izany raha niala tamina taxi-be iray. Nanohy ny diany mora ireo andian’olona ireo no niherikerika ka vao mainka nanamafy ny fiahian’ny mpitandro filaminana eo Mandaniresaka, fa mety ho olon-dratsy. Niroso tamin’ny fisavana avy hatrany ny mpitandro filaminana, tsy nisy afa nihetsika fa dia noraisim-potsiny ny dimy lahy rehefa tratra tao amin’ny entany ny lefona sy fitaovam-piadiana maro niaraka tamina ody gasy maro be. Taoarian’ny fanadihadian’ny mpitandro filaminana no nahafantarana, fa olona vao avy namita sazy tany am-ponja ny iray tamin’izy ireto izay antsoina hoe Mananaja, nefa dia izao vosambotra izao indray. Mazava ho azy fa dia hiverina any am-ponja indray ranamana hamita ny saziny manaraka.
Natolotra ny fitsarana omaly ihany izy dimy lahy ireto ary nidoboka any am-ponja avy hatrany.
Andry N.