Efa tamin’iny herinandro iny no nisehoana famakiana fiangonana tao Andranomanelatra Antsirabe. Araka ny fantatra dia teo amin’ny varavaran-kelin’ny trano fisainana no novakian’ireo jiolahy ka nahatafidirany tao am-piangonana. Tsy hivavaka hiova fo anefa ka handroba ireo fitaovana tao. Lasa tamin’izany ny entana rehetra sarobidy tao amin’ity fiangonana iray ity, ka anisan’izany ny fanamafisam-peo sy ireo kojakojany. Tafakatra any amin’ny enina tapitrisa ariary tany ny zavatra very raha ny loharanom-baovao hatrany. Taty an-drenivohitra kosa no tratra ireo jiolahy ireo, miisa telo, niaraka tamina ramatoa iray, ny sabotsy lasa teo. Hatreto kosa, raha ny vaovao voaray hatrany, dia mbola tsy hita ny ampahatelon’ny entana very. Notanana avy hatrany ireo jiolahy ireto ary mbola mandeha amin’izao fotoana izao ny fanadihadiana.
m.L
