Isan’ireo nisitraka tohana avy amin’ny ministeran’ny tanora sy ny fanatanjahan-tena ny LARA na Lisea André Resampa Antsirabe. Ankoatra ireo fitaovana ara panatanjahan-tena dia nanolotra baolina kitra, baolina rugby, baolina volley, kanety be sns… ho an’ireo klioba sy fikambanana mpanao fanatanjahan-tena ny minisitera izay notarihin’ny minisitry ny tanora sy fanatanjahan-tena André Haja Resampa ny Alahady lasa teo, tao amin’ny LARA no nanatanterahina izany.
Fa hanokafana « Salle de musculation » ao amin’ny LARA, natolotra tamin’io fotoana io ireo fitaovana ilaina amin’izany. Natao ho an’ny rehetra ity « Salle de musculation »ity fa tsy natokana ho an’ny mpianatry ny lisea irery akory.
Tsikaritra fa isan’ireo toerana maro mpampiasa itony “ de musculation” itony tato ho ato, mahasarika tanora maro, na lahy na vavy na ireo efa lazondazony izany na ireo efa zokiny dia saika mazoto miditra amin’itony toerana itony. Mitaiza vatana rahateo ny fanatanjahan-tena.
Fantatra fa hotontosaina eto antsirabe amin’ity volana Novambra ity ny forum lehibe “Youth Corner izay karakarain’ny Ministera ho an’ny tanora Malagasy.
Andry N.
