Ankaotra ny vaky trano, fanendahana sy ny halabotry dia manaparitaka taratasy indray izao ny jiolahy fa hanafika. Isan’ny nahazo ity taratasy milaza sy mampiomana ity ny teny amin’ny fokontany Andrefan’Ivohitra sy Tsivatrinikamo ny herinandro lasa teo. Mandry tsy lavo loha ny mponina eny amin’ity faritra ity indrindra fa ny akany iray mpitaiza ankizy sairana ao Antanikatsaka, ity toerana ity izay somary mihataka alavitra. Isan’ny nahazo ilay taratasy mantsy ity akany ity ka manao antso avy amin’ny tompon’andraikitra. Voatery naka mpitandro filaminana manokana ny akany hiantoka ny fiarovana azy saingy tsy mahasakana ny tahotra sy tebiteny izany hoy ny tompon’andraikitra sy mpandraharaha eny amin’ny manodidina. Tsy azo tsinotsinoavina ny tranga toy izao raha ny fanazavana hoy ny tompon’andraikitra mahefa eto Antsirabe. Nambaran’ny prefet an’Antsirabe fa hamafisina ny fisafoana ataon’ny mpitandro filaminana manarena ny fokontany rehetra. Ho entitra ny fisavana karapanondro sy ny fanakatonana ireo bara mivoha amin’ny alina.
Andry N.