Mbola manankatom-baravarana ny ankamaroan’ny sekoly tsy miankina rehetra eto Antsirabe sy ny manodidina. Ankoatra ny sekoly katolika dia maro ireo sekoly no nandefa filazana tamin’ny alalan’ny “sms” na namela hafatra tamin’ny tambanjotra serasera, na filazana tamina haino aman-jery fa tsy mbola mianatra ny mpianatra. Misy kosa anefa sekoly tena tsy handrenesana vaovao mihitsy isan’izany ny sekoly iray tsy miankina manana ny lazany tokoa, eo akaikin’ny prefektiora fa tena tsy handrenesam-baovao na mianatra ny mpianaratra na tsia. Sairana ireo ray aman-dreny , misalasala handefa ny zanany, ireo nandefa moa dia eo ambavahady vao milaza ny mpiambina fa tsy misokatra ny sekoly.
Nisokatra avokoa ny sekolim-panjakana teto Antsirabe sy ny manodidina, nanambara ny fitalevam-paritry ny fanabeazam-pirenena eto Vakinankaratra fa manaraka ny toromarika avy amin’ny fanjakana ny faripiadidian’ny fampianarana eto Vakinankaratra.
Fantatra kosa fa ny Alarobia izao no hiverina hisokatra ireo sekoly tsy miankina eto Antsirabe raha toa tsy misy ny korontana.
Andry N.
