Tranga hafahafa no niseho teny Antsobolo, omaly. Lehilahy iray mantsy no fantatra fa avy hatrany dia nibeda zaza avy nianatra ary nentiny nanaraka azy sy notambazany vola, hoy ny vaovao. Toa tsy nanaiky anefa ilay ankizy fa nibitabitaka sady nitomany. Fito taona ity zaza ity ary voalaza fa tsy nisy mpitsena. Ny kotaban’ilay ankizy no nanaitra ny manodidina tonga nitangorona. Tsy niandry ireo tompon’andrikitr’ilay sekoly nisambotra ilay lehilahy. Avy eo nantsoina ny ray aman-drenin’ilay zaza izay tonga teny an-toerana. Tamin’izay anefa, efa tena maimbo rà ny rehetra ka raha tsy voaaro ilay ranamana dia tsy fantatra izay mety ho nanjo azy. Tonga teny Antsobolo ny mpitandro filaminana ary efa any amin’ny biraon’ny polisy, omaly ilay lehilahy. Tamin’ny fanadihadiana natao azy dia maro ny zavatra nolazainy. Anisan’izany, hoy hatrany vaovao ny hoe saika hataony sorona, hono. Sorona aiza anefa ? Tsy nety niteny intsony ny anao lahy ary toa nanao mody adala, hoy ny mpanao famotorana.
Nangonin’i r.s.
