Omaly hariva no nitrangan’ity lozam-pifamoivizana ity. Fiara nipetraka an-tsisin-dàlana no potika tanteraka rehefa nodomin’ny kamiao iray milanja 30 taonina raha kely indrindra. Fiara Kangoo iray aloha no voafoaka voalohany. Taorian’izay dia mbola nifatratra tany amin’ny fiara tsy mataho-dàlana hafa izy ary ny niafarany dia nidona tamin’ny fiara kely iray fahatelo. Tao amin’io fiara farany io no nisy naratra miisa telo, izay voatery nentina namonjy toeram-pitsaboana. Fandehanana mafy no nolazain’ny nanatri-maso fa antony nitarika ity lozam-pifamoivoizana ity. Ilay mpamily dia nilaza fa tsy vaofehiny intsony ny familiana ka voatery nivoaka ny lalana ary io nitera-doza io. Tsy ilaozan’ny misy lozam-pifamoivoizana eny amin’ny By-pass, saingy kosa matetika dia ireo fiara kely misetrasetra no tena iharan’izany eny amin’io toerana io. Saingy tamin’ity indray mitoraka dia fiarabe 30 taonina indray no nanao ny nataony…
D.R
