Nilanja sora-baventy izay mitaky ny fanesorana ny talem-paritra ny Fahasalamam-bahoaka ireo dokotera sy ny mpitsabo mpanampy. Efa sangy mihoatra ny loha hoy izy ireo ny zava-misy iainana ao amin’ny hôpitaliben’Antsohihy (CHRR). Efa sangy mihoatra ny loha hoy ireo zava-misy hiainan’izy ireo ao amin’ity CHRR ity an-kehitriny, manoloana ny zavatra hataon’ny talem-paritra ny fahasalam-baohaoka any amin’ny faritra Sofia. Tsy misy fanajana amin’ny maha olona, fa fanambaniana sy fandrahonana no mba ambetin-dresaka rehefa mitaraina izahay no afindra toerana any Tsihombe, raha ny fitarainan’ireo mpitsabo sy mpitsabo mpanampy nilanja sora-baventy, teo anolona ny vavahady, izay mitaky ny fanesorana ny talem-paritra CHRR any Antsohihy. Manoloana ny savorivory misy any an-toerana dia niantso ny andaniny sy ny ankilany ny talem-paritra fahasalam-baohaoka Sofia, mba afahana mandamina ny raharaha sy manohy ny asa ho fitsinjovana ny fahasalamany tsirairay avy, izay tonga manantona ny toeram-pitsaboana. Ny angom-vaovao hatrany no nahalalana fa mbola tsy milamina ny toe-draharaha misy any an-toerana an-kehitriny, fa saingy manohy ny asany ny andaniny sy ny ankilany, mandram-pahitana ny vahaolana maharitra sy handravonana ny disadisa misy.
Ratantely
