Nivoaka ny sabotsy teo ny valim-panadinana CEPE ho an’ny CISCO Toamasina I, taorian’ny “deliberation” nataon’ireo mpampianatra mpitsara ny fanadinana sy ireo mpikirakira ny fanadinana ary ny lehiben’ny CISCO. Nivoaka tamin’izany fa nahatratra 80,32% ny tahan’ny fahafahana fanadinana, satria ny 6.094 tamin’ireo niatrika ny fanadinana niisa 7.587 tamin’ireo nisoratra anarana niisa 7.790 no afaka soa aman-tsara. Raha nitaha ny taona lasa izany dia nahita fidinana 06,32% teo satria nahatratra 86,60% ny taha-pahafahana ny taona 2022 io. Raha ny vinan’ny CISCO Toamasina I dia hivoaka amin’ity herinandro ity indray ny valin’ny fifaninana hidirana taona faha-6 eny amin’ireo CEG. Nambaran’ny lehiben’ny CISCO Toamasina I, fa niarahaba ireo ankizy afaka fanadinana, nefa namporisika hiezaka bebe kokoa ihany koa ireo tsy nahomby.
Malala Didier
