Nisy fiantraikany teo amin’ny fahazotoan’ny olona maka zanakazo ny fenitra takiana hahazoana maka izany raha teto Vakinankaratra. Teo aloha mantsy dia tsy maintsy mitondra kara-tany na titre sy borne hanamarinana fa misy marina ilay tany vao mahazo zana-kazo. Hialana amin’ny olana mety hiseho sy ireo mpisandoka ihany koa no anton’izany hoy ny talem-paritry ny tontolo iainana sy fandrosoana lovain-jafy Ratefason Toditsara. Nasiam-panavaozana izany ankehitry ka taratasy avy amin’ny sefo fokontany misy ny fitombokase sy sonia manamarina ny fisian’ny tany sy ny tompony dia afaka hakana zana-kazo. Ankoatra izany toy ny mahazatra dia misy hatrany dingana tsy maintsy lalovana sy ny famenona ilay
Tsikaritra hoy hatrany ramatoa tale fa mbola vitsy ireo manana taratasin-tany ara dalàna avy amin’ny fananan-tany ka izany no antony iray nanisiam-panovana io fepetra takiana io.
Raha amin’ny 21 janoary izao no hisokafana amin’ny fomba ofisialy ny taom-pambolen-kazo 2022 dia efa efa nahavita izany kosa ny faritra Vakinankaratra tamin’ny 23 Desambra 2021, teo dia efa nisokatra ho an’ny rehetra ny sampandraharahan’ny tontolo iainana sy fandrosoana lovain-jafy amin’ny fakana zana-kazo maimaim-poana mitohy ary hatramin’izao.
Andry N.
