Tafiditra ao anatin’ny kaontin’ny olona iray izay mampiasa facebook ilay mpisandoka. Fantany ny olona izay mifandray matetika amin’io ary dia eo no velariny ny fandrika. Mamorona lainga izy ary mindrana vola amin’ilay olona. Roboka tokoa io farany satria tena namany akaiky. Fantatra ihany anefa taty aoriana fa mpisandoka no nampiasa ilay tambajotra sosialy. Nisy ny fitoriana izay nipetraka tao Tsaralalàna ary nanomboka teo no nanaovana vela-pandrika ilay mpisoloky izay voasambotra ihany. Efa tafakatra 30 tapitrisa ariary ny vola azon’ilay olon-dratsy nandritra ny roa taona nifaneraserany tamin’ilay olona. Milaza izy fa marary ary indraindray aza dia mahavita mamorona fahoriana mihitsy. Natolotra ny fampanoavana omaly ary nidoboka am-ponja eny Antanimora ilay mpisandoka amin’ny facebook.
D.R