“Tsy marina ny filazana fa olona nahandro tamin’ireo mpivarotra hani-masaka no niavian’ny afo naha-may ireo fivarotana 41 teto Bazary kely. Aminay dia tena niniana nodorana ilay izy satria fivarotana tsy nisy olona sy mpivarotra koveta ary fitaovana plastika no niavian’ny afo…”, izay no nambaran’ireto mpivarotra may fananana nandritra ity hain-trano nitranga tao Bazary kely ity, ny zoma 2 desambra alina lasa teo tokony tamin’ny 11ora. Efa samy nanarina ny tsenany may ireo mpivarotra samihafa ankehitriny ary efa miroso amin’ny varotra fanaony an-davanandro. Tsy nanadino azy ireo ny minisitra Ndahimananjara Johannita, raha nahare ny fangatahan’izy ireo ka nanolotra fanitso sy vola tao anaty valopy ho azy ireo, omaly alahady misandratr’andro.
Malala Didier