Tany amin’ny faritr’i Sambava no niseho ity zavatra mahatsiravina sady mampalahelo ity. Pasitera iray ao amin’ny fiangonana zandriny no fantatra fa nanolana zazavavy kely iray vao enin-taona monja. Nilalao teo an-tokotanin’ny fiangonana ilay ankizy no natsoin’ilay pasitera tao mba hiaraka aminy, saingy tsy nanaiky ka avy hatrany dia nalainy an-keriny ary nentiny tao ambadiky ny alitaram-piangonana, hoy ny vaovao voaray teo anivoan’ny mpitandro filaminana. Rehefa izany, novetavetainy nampiharany ny filan-dratsiny tao, ary norarany tsy hiteny na amin’iza na amin’iza ny zavatra nataony. Ny tolakandron’ny faha-12 aogositra 2014 no nisehoan’izany. Taty aoriana dia nitaraina narary ilay zaza ka rehefa notambatambazan’ny havany dia nitantara ny nanjo. Tsy teo an-toerana itnsony ilay pasitera tamin’izay fotoana izay fa efa nitsoaka taty Antananarivo. Nataon’ny polisy ny fikarohana teto an-drenivohitra ka ny faha-20 aogositra 2014 tamin’ny 6 ora hariva no voasambotra teny Ambohidratrimo ity pasitera ity. Taorian’ny famotorana natao taminy dia natolotra ny fitsarany izy ary naiditra am-ponja vonjimaika eny Antanimora.
r.s.