Misy valo ireo jiolahy nanafika azy ary nitondra kibay sy zava-maranitra. Nidirany an-keriny tao ary nodarohana avy hatrany ilay vahiny, ny harivan’ny alahady teo. Raha araka ny vaovao nampitaina dia fandrobana ny entany no anton’ity fanafihana ity. Lasa ny « ordinateur portable » enina tao aminy ary koa finday telo. Nentina teny amin’ny toeram-pitsaboana ity vazaha ity mba ho fanavotana ny ainy. Vetivety indray dia niely tao an-tanàna ity tranga ity, indrindra koa mbola betsaka ny mpiala sasatra any an-toerana, ary isan’ny tena betsaka mpifidy rahateo i Fenoarivo Atsinanana amin’ny vanim-potoana toy izao. Malaza amin’ny fisian’ny jiolahy ao an-toerana ary mailo hatrany ny olona na dia miala sasatra aza.
D.R