Lehilahy iray sahabo ho 35 taona, izay voalaza fa marary saina no torana tsy nahatsiaro tena sy naratra mafy vaky loha rehefa avy nitsambikina avy teny ambony taksiborosy nitondra azy, afak’ omaly antoandro, tao Beravina Fianarantsoa, amin’ny lalam-pirenena fahafito iny. Raha ny vaovao voaray avy any an-toerana dia avy any Alakamisy Ambohimaha nentin’ny havany hotsaboina ao Fianarantsoa ilay raim-pianakaviana adala no nihetsika tampoka teny an-dalana tao anaty fiara nandehanany ny aretiny. Vaky tanteraka hatramin’ny fitaratr’ ilay fiara fitateram-bahoaka nitsorahany, ary nijininika teo amin’ny arabe ny rà.
Eric Manitrisa