Faritra iray isan’ny be mpitsidika indridra ny tananan’Antsirabe amin’ny fankalazana ny fetin’ny Paska. Mialoha, mandrintra ary aorian’ny fety dia misy hatrany ny fepetra tsy maintsy raisin’ny mpitantana handrindrana sy handaminana ny tananan’ Antsirabe indrindra fa ny lalam-pirenana fahafito izay tena maro mpampiasa.
Isan’ny hametraka paikady vaovao ny ivon-toerana fitsarana fiara eto Antsirabe hiatrehana ny Paska mba tsy hisy ny loza na iray aza no tanjona. Hotohizana ny tsara teo aloha fa hemetraka fomba fiasa vaovao mba hampitovy ny tadindokanga eo amin’ny mpitandro ny filaminana sy ny mpampiasa ny lalana hoy ny Jeneraly Reribake Jeannot Tale jeneralin’ny ivon-toerana fitsarana fiarakodia nandritra ny fitsidihany ny « centre de sécurité routière » teto Antsirabe ny faran’ny herinadro lasa teo. Ity no fitsidihana voalohany nataon’ny Tale jeneralin’ny ivon-toerana fitsarana fiara teto Antsirabe hatramin’ny nahavoatendry azy teo amin’ny toerany. Hijery ifotony ny ivon-toerana no tena anton-diany ary mahetraka fomba fiasa vaovao mba hisian’ny fifampitokisana eo amin’ny ivon-toerana sy ny mpitondra fiara izay hotsarana mba ahafahan’ity farany mahatoky fa voaharo ny ainy sy ny fiarany.
Hialohavan’ny fanamarihana ny andron’ny 29 Martsa ny fetin’ny Paska ka ho lavalava ny andro tsy fiasana noho izany dia ho maro ny mpivezivezy amin’ny lalam-pirenena ka tsy maintsy hisy ny fepetra hentitra hiarahana amin’ny sampandraharan’ny fitanterana sy famantarana ny toetry ny andro eto Vakinankaratra sy ireo ratsa mangaika rehera voakasika.
Andry N.
