Notsaraina tao amin’ny sampan heloka bevava ny fitsarana ambony eto Toamasina ireto mpirahalahy sahy namono ny ray aman-dreny niteraka azy ny 9 novambra 2021 tao Ambodilazana distrikan’I Toamasina II; tamin’ny alalan’ny antontan-taratasin’ady laharana 76-TOA/24. Niaiky ny heloka vitany tamin’ny famonoana ny ray aman-dreniny izy miaralahy ireto nandritra ny fangataham-panazavana nataony mpitsara azy ireo; saiky ny nahatsikaiky dia voalaza fa noentin-javatra izy ireo nahavita izany fa tsy ny sitra-pony. Voalaza fa ny iray tamin’izy roa lahy no namono rainy aloha, vao namono ny zandriny sy ny reniny ilay faharoa tamin’izy ireo. Nalevin’izy ireo tao anaty tanimbary ilay zandriny fa ireo ray aman-dreniny kosa navalan’izy ireo rano nandritra izany. Tsy nileftra tamin’ny didy navoakany ny fitsarana ady haloka ny fitsarana ambony eto Toamasina, fa namoaka didy manasazy azy miaralahy sazy am-ponja mandra-pahafatiny avy noho ny heloka vitan’izy ireo namono olona telo be izao. Nisy ihany kopa antontan-taratasy hafa niaraka notsaraina tamin’ny mpiaralahy namono ray aman-dreniny sy ny zandriny ity; dia ity raharaha fandrobana tamin’ny alalan’ny fitaovam-piadiana nitranga ny 06 novambra 2023 teo. Tsy naharitra el any fampanoavana fa avy hatrany dia nanenjika azy ireto, ary nilaza fa efa marim-pototra ny fiampangana tamin’ny fanafihana mitam-piadiana ary nahafatesana olona iray sy naharatrana ramatoa iray ihany koa. Nandritra izany nanao fanohanana ny didy izy telo voaroiroy, ka miato aloha ny fanatanterahana izany nefa mbola voahazona fonja vonjy maika izy telo lahy mandram-pivoahany didy hafa indray eo anivon’ny fitsarana ady heloka bevava ny fitsarana ambony.
Malala Didier
