Henjana no nanjo ireto fivarotana (épicerie) roa ireto tao Tsarahonenana ny maraina ny alatsinainy teo tokony tamin’ny iray ora maraina sy sasany tany ho any.
Ny tranga voalohany dia jiolahy efa-dahy nanafika fivarotana, ka raha vao tafiditra izy ireo dia rangahy iray tao an-trano nofirain’izy ireo ny antsy, ka naratra tamin’ny lohany sy ny tananany ilay rangahy. Mbola nodarohan’ireto jiolahy tamin’ny vato koa ny tratrany, ka teo dia savolaina ilay rangahy ka nalain’izy ireo vola rehetra tao amin’ilay fivarotana.
Ny tranga faharoa kosa dia mbola tao Tsarahonenana ihany, saingy tamin’ity tranga ity kosa dia voalaza fa folo izy ireo no nanao ny famakiana fivarotana, ka ny enina nanokatra ny trano sy niditra fa ny ambiny niambina izay mitetika ny hanampy ireto ravaina. Tsy vitany nanokatra ny varavarana fa mbola nitora-bato koa ireto jiolahy, ka nahavoa raim-pianakaviana iray tao an-trano tamin’ny lohany sy ny masony izay saika jamba mihintsy. Voatery natsipin’ilay raim-pianakavia ny vola enina hetsy tao an-trano, ka nilazany fa “iny ny voa tadiavianareo fa aza vonoina izahay”. Raha vao nahazo izany ireto jiolahy dia lasa izay nilaza fa mbola hiverina amin’ny fotoana manaraka.
Samy mitsabo tena eny amin’ny hopitaly moa ireto raim-pianakaviana roa naratra noho ny fanafihana jiolahy ireto, ary nilaza fa tsy hiverina eny Tsarahonenana hipetraka intsony tena mampitaintaina ny eny. Manentana ny mpitandro filaminana izy ireo ny mba hanaovana fisavana sy fanaraha-maso eny an-toerana fa tena henjana ny tsy fahandrimampahalena eny an-toerana.
Malala Didier
 roa ireto tao Tsarahonenana ny maraina ny alatsinainy teo tokony tamin’ny iray ora maraina...){kind=link}