Omaly no niakatra teo anivon’ny fampanoavana etsy Anosy ilay raharaha mahakasika halatra volan’ny orinasa misahana fampindramam-bola madinika etsy Mahitsy. Tsy hita hatreto ilay lehilahy izay tompon’antoka. Io farany dia nitondra nitsoaka ny vola mitentina 100 tapitrisa ariary; izay saika harotsaka tao amin’ny banky. Ny sipany no tokony hanatanteraka ny fandrotsahana ny vola, saingy ary izy kosa sendra nandalo teo an-toerana ka mba niangavy azy ilay vehivavy mba hanampy. Teo no nohararaotiny ka raha vao sendra niverina tao amin’ny birao ilay vehivavy satria nisy finday hadino, iny ilay lehilahy no rifatra nitsoaka niaraka tamin’ny volabe. Ny ampitson’iny vao hita ny fiarany izay nariany teny Ambohimangakely. Nivoaka ny filazàna fikarohana azy ary anio kosa no mitohy ny fihainoana ilay vehivavy etsy amin’ny fampanoavana.
D.R