Dahalo 80 lahy indray no niara-nanafika tokantranon’ny tompon’omby iray tao amin’ny fokontany Lalovy, kaominina ambanivohitra Analavoka, distrikan’ Ihosy, ny talata lasa teo. Tokony ho tamin’ny 2 ora sy sasany tolakandro no nitrangan’ny fanafihana. Marihina fa nirongo basim-borona sy fitaovam-piadiana maranitra avokoa ireto dahalo 80 ireto nandritra izany fanafihana izany. Vokany : lasan’izy ireo avokoa ny omby100 an’ilay tompon-trano . Nanao ny fanarahan-dia avy hatrany ny fokonolona taorian’izay. Nanampy azy ireo tamin’izany ny kartie môbila atao hoe « Jama » miisa 10. Vokatry ny fifampitifirana teo amin’ny roa tonta anefa, dia Jama iray no lavon’ny balan’ireo dahalo. Nidina tany an-toerana avy hatrany ny zandary izay notarihin’ny Komandin’ny Kaompania Ihosy, nandray an-tànana ny raharaha. Mbola mitohy ny fanarahana ny dian’omby sy fikarohana ireo dahalo.
Niony H.
