Noho ny tsy fisian’ny orana, dia miaina ao anaty hain-tany sy ianjadian’ny tsy fahampian’ny rano tanteraka ny ankamaroan’ny mponina any amin’ny distrikan’ Ihosy, Faritra Ihorombe. Raha ny vaovao voaray avy any an-toerana, dia efa ho tapa-bolana no mankaty no nijaly rano hantsakaina ny vahoaka. Ritra sy maina ny vovon-drano, satria miharitra avokoa ny loharano sy rian-drano mamatsy ny tanànan’ Ihosy, ka manano sarotra ny fahazoana rano fisotro madio. Na andro na alina, dia ilaharana avokoa ireo paompy mamatsy rano fisotro. Misy amin’ny olona mandeha an-kilaometatra maro mivoaka ny tanàna vao mahita rano, kanefa mbola tsy ara-pahasalamana, raha ny fampitam-baovao voaray hatrany.
Eric Manitrisa