Tsy vao sambany no nahenoana ity resaka fanolanana ity any amin’ireo kaominina somary mihataka ny renivohitry ny faritra indrindra ao amin’ny distrika Betafo ao. Lehilahy lehibe iray tokony ho 60 taona eo no nanolana zazavavikely 9 taona tao amin’ny fokontany antsoina hoe Amparihimboahangy kaominina Inanantonana. Raha ny fanazavan’ny loharanom-baovao any an-toerana dia tsy vao sambany no mametaveta tovovavy ity rangahy ity fa saika efa noteteziny avokoa ny roa vavy iray tampo amin’ity zaza farany ity. Tambatambazany vola ilay zaza alohan’ny hanaovany ny filan-dratsiny, araka ny fantatra dia fanintelony izao no efa no efa niharan’ny fanolanana ilay zaza raha toa ka manda fatratra ny fiampangana azy ilay rangahy. Nambarany teo imason’ny fokonolona aza moa fa tsy mbola nataony ilay zaza fa ny zokiny roa no efa nataony. Niteraka savorovoro teo amin’ny fokonolona ny zava nitranga tao amin’ity fokontany ity ary saika nifara tamin’ny fikapana famaky mihitsy araky ny vaovao voarainay satria dia nalamindamina tao amin’ny fokontany ny raharaha. Marihina fa kamboty ireto zaza ireto ka matahotra ilay reniny tsy sahy mitory fa norahonan’ilay rangahy, ity farany rahateo raha ny fanazavana voaray dia lehiben’ny fikambanana zaza mainty any an-toerana no sady mitana andraikitra ao amin’ny fokontany.
Andry N.
