Ny asabotsy alina teo no nanafika tanàna iray tao Alakamisikely ireto jiolahy telo, niantso vonjy ny tao an-tanàna ka vetivety dia vory ny fokonolona, kibay sy antsibe ary vato moa ny teny an-tànan’izy telo lahy ireto, ka tsy nampihemotra ireto fokonolona ny fanoherana azy, avy hatrany dia raikitra ny fifanjevoana ka azo sambo-belona tamin’izany ny iray tamin’ireto olon-dratsy.Vao voasambotra ny anankiray dia tsy nanaiky ny vahoaka fa samy namely avokoa noho ny vono nahazo azy dia tsy tana intsony ny ain’ity jiolahy,rehefa natao ny fisavana ny razana dia tsy nahitana taratasy momba azy teny aminy koa dia voatery nalevin’ny fokonolona teny an-toerana ny razana.Ilay namany roalahy kosa tafaporitsaka ka mbola tsy hita hatramin’izao. Efa eo am-pelatànan’ny zandary any an-toerana ny fanadihadiana amin’izao fotoana izao
ALEM