Hatairana ny an’ireo olona tany amin’ny renivohitry ny kaominina ambanivohitra Antsiafabositra, ato anatin’ny disitrikan’i Maevatanàna, rehefa nahita sy naheno ny zava-nitranga, teny amin’ny lalam-pirenena fahefatra PK 265+500 ny harivan’ny Zoma 28 Marsa taona 2025 lasa teo iny. Raha ny fampitam-baovao voaray avy any an-toerana hatrany dia fiara kamiao iray mpitatitra vokatra vokarin’ny » STAR, » izay niainga avy any Antananarivo hihazo any Mahajanga no niala Zazakely niampita arabe, ka lasa nifaoka lehilahy iray nipetraka teo amin’ny sisin-tranony. Vokany: naratra tapa-balahana ilay an-kizy, raha maty tsy tra-drano kosa ilay lehilahy. Ny alin’iny teo ihany no noentina, tao amin’ny hopitalibe Morafenokely eto Maevatanàna an-tampon-tanàna ny naratra mba hanaraka fitsaboana sahaza azy. Efa tonga nanao ny fitsirihana zava-nitranga tany amin’ny tanàna nisehoan’ny loza ny Zandary misahana ny fifamoivoizana aty an-toerana, saingy notanana natao famotorana ny mpamily, ary naiditra ambalam-pamonjana ny fiara kamiao.
Ratantely
