Afak’omaly antoandro tokony tamin’ny 2 ora teo no nitrangan’ity loza ity teny amin’iny faritra Tsararano Mahajanga iny. Lehilahy iray mpangalatra volamena no tratran’ny fokonolona teo am-panaovana ny asa ratsiny. Samy namono ity jiolahy ity avokoa izay nahita rehetra , tao ny nively, nikapoka ny loha , nandaroka,. Tsy nisy nahafantarana azy intsony ity lehilahy ity fa naratra mafy indrindra ny tarehiny, ary tsy nahatsiaro tena ihany koa ity farany noho ny ratra nahazo azy. Ireto fokonolona kosa tsy nanaiky mora fa ny hahafaty ity lehilay ity no tanjona. Saika maty ity jiolahy ity raha tsy tonga haingana ny mpitandro ny filaminana nanaparitaka ireto vahoaka maro tamin’ny alalan’ny tifi-danitra, teo vao samy niparitaka avokoa. Nentina avy hatrany teny amin’ny tombin’ny polisy kosa ity lehilahy mpangalatra ity natao famotorana na dia efa naratra mafy aza.
FINARITRA RAKOTO (Stagiaire)
