Trangam-piarahamonina nampihoron-koditra ny maronahita no niseho tany Kaominina ambanivohitra Bekoratsaka, Distrikan’i Mampikony, Faritra Sofia, afak’omaly naraina. Tovolahy iray no hita faty niboridana tsy nisy loha (notapahin-doha) sy filahiana. Rehefa avy nofatoran’ny/ireo tsy mataho-tody tamin’ny tady ny tongotr’ity tovolahy ity, dia notetitetehany tamin’ny antsibe ny vatany, ka nahitana dian’antsy teo amin’ny lamosiny havanana, nokapainy ny tongony roa sy ny kihon-tànany, ary notapahiny ny lohany. Nesorin’ireo namono azy ihany koa ny filahiany izay hita natsipy tsy lavitra ny toerana nahitana ny razana. Hatramin’ny fotoana nanoratanay ny lahatsoratra, dia tsy mbola hay ny tany niavian’ity tovolahy hita faty tsy fantatra havana ity. Raha ny fanazavana azo avy tamin ‘olom-boafidy iray, nampitany vaovao taminay, tao anatin’ny iraytaona izao, dia matetika isehoana vono olona mahatsiravina toy izao foana ao amin’ity Kaomininaity, ka anaovan’ny vahoaka antsoavo amin’ireo tompon’andraiki-panjakana mahefa.
Eric Manitrisa
