Araka ny vaovao voaray omaly, dia tafakatra enina ireo Miaramila namoy ny ainy ; izay tra-doza teny an-dàlana tamin’ny RN12 tao Mijilo, ny fiaraben’ny BNGRC nitondra miaramila avy namboly hazo tany Analavory, ny 1 mey teo. Niala bisikilety ity fiarabe nitondra miaramila ity, ka nivadika. Raha ny fantatra, valo tamin’ ireo miaramila niharam-boina naratra mafy no nakarina maika aty Antananarivo ka tsaboina ao amin’ny Hopitaly Miaramila Soavinandriana, raha mbola manaraka fitsaboana ao amin’ny hopitaliben’i Manakara kosa ireo maratra hafa.
Eric Manitrisa