Ao anatin’ny ady atao amin’ny fiparitahana fitaovam-piadiana tsy ara-dalana eto amin’ny firenena izao, dia nahitam-bokany ny ezaka ataon’ny polisim-pirenena any amin’ny distrikan’i Mananara-Avaratra iny. Lehilahy iray nampiahiahy no nahitana basy poleta tsy (PA) vita avy eto an-toerana miaraka amin’ny bala 9mm miisa 6, nandritra ny fandalovany teo amin’ny sakana nataon’ny polisy teo Masindrano, kaominina Mananara-Avaratra, ny faran’ny herinandro teo. Nosamborina avy hatrany ralehilahy, noho ny fitanany fitaovam-piadiana tsy ara-dalana. Rehefa vita ny famotorana azy, dia natolotra ny Fampanoavana tany Maroantsetra izy, ary nanome tànana tamin’ny fitondrana azy tamin’ny sambo ny APMF.
T.M.
