Vokatry fivadihan’ny lakana mandeha motera nitondra mpandeha sy entana marobe eto anelanelan’ny Masoala sy Imorona, 40km miala ny distrikan’i Mananara, ny akamisy lasa teo, dia vehivavy roa no maty, olona 15 hafa avotra soa aman-tsara, ka anisan’izany ny tompon’ny lakana. Araka ny vaovao voaray dia ny zoma teo vao hita ny razana iray. Raha ny vaovao voaray hatrany dia noho ny vesatra be loatra nentin’ity lakana avy any Soanierana Ivongo ho an’ Imorona ity no nahatonga ny loza.
Eric Manitrisa