Afak’omaly, tovolahy iray tokony ho 21 taona eo no tra-tehaky ny andrimasom-pokonolona nangalatra lavanila tsy matoy teny an-tanimboly, tao amin’ny Fokontany Antetezana, Distrikan’i Mananara Avaratra. Noho ny firongatry ny halatra lavanila manta eny an-tsaha, izay fatiantoka ho an’ireo tantsaha mpamokatra sy mpanangom-bokatra ary mampihena ihany koa ny vola miditra amin’ny kitapom-bolam-panjakana, dia tezitra ny olona ka saika matin’ny fitsaram-bahoaka ity tovolahy voasambotra. Taorian’ny fampiraharahana , dia natolotra ny mpitandro filaminana ity dahalon-davanila nanaovana fanadihadiana, avy eo naiditra am-ponja vonjimaika omaly, miandry ny fotoam-pitsarana azy.
Eric Manitrisa