Vokatry ny fiaraha-miasa eo amin’ny fitaleavam-paritry ny fanabeazam-pirenena eto Betsiboka sy ny ONG « A better life for children » dia hisitraka « bloc sanitaire » vaovao ny EPP Antanambao, any amin’ny kaominina Mangabe, ato anatin’ny fari-piadidiam-pampianarana Maevatanana. Nysabotsy 12 novambra 2022 lasa teo no nametrahana ny vatofototr’ity fotodrafitrasa ity. Ny solontenan’ny filohan’ny ONG « A better life for children » sy ny talem-paritry ny fanabeazam-pirenena eto Betsiboka no nametraka izany vatofototra izany, natrehin’ireo tompon’andraiki-panjakana any an-toerana. Tsara homarihina fa ny EPP Antanambao dia nisitraka tranon-tsekoly avy amin’ny ONG Akany TSIMOKA syny « fondation AXIAN », izay eo an-dalam-panamboarana amin’izao fotoana izao.
Ratantely
![Pinterest](https://pinterest.com/pin/create/button/?url=https://midi-madagasikara.mg/mangabe-maevatanana-nisitraka-bloc-sanitaire-vaovao-ny-epp-antanambao/&media=https://midi-madagasikara.mg/wp-content/uploads/2022/11/maevatanana.jpg&description=Vokatry ny fiaraha-miasa eo amin'ny fitaleavam-paritry ny fanabeazam-pirenena eto Betsiboka sy ny ONG "A better life for children"...){kind=link}