Nitrangana fanafihan-dahalo nitam-piadiana nahery vaika indray tany amin’ny Distrikan’i Marovoay, Faritra Boeny, afak’omaly, tokony tamin’ny enina ora sy sasany hariva, tao Antanantobazo, any amin’ny Kaominina ambanivohitra Manaratsandry, ka « Cash point orange money » iray no lasibatry ny olon-dratsy, ary raim-pianakaviana iray voalaza fa mpiambina no voatifitra nandritra ny fandrobana, ary namoy ny ainy. Raha ny vaovao voaray, dia nalefa any amin’ny Distrikan’i Vohipeno tanindrazana niavinany ny nofomangatsiakan’ity rangahy maty voatifitra. Misokatra ny fanadihadian’ny mpitandro filaminana amin’ny fikarohana an’ireo olon-dratsy nahavanon-doza mahakasika an’ity fanafihana nitam-piadiana narahina vono olona ity.
Eric Manitrisa
