Ny herinandro lasa teo dia tonga nampandre ny zandary tao Marovoay ny kartie mobile iray miasa ao Anositsombomba, fa misy vehivavy maty novonoim-badiny ao an-tanàna ny alin’ny 5 desambra, tokony ho tamin’ny 11 ora alina tany ho any. Nidina avy hatrany tany an-toerana ny zandary ka nisambotra io lehilahy io. Voalaza fa vokatry ny ady teo amin’izy mivady no nahatonga ny famonoana. Taorian’ny fanolorana azy teny amin’ny fitsarana dia notazonina vonjimaika any am-mponja ity lehilahy namono nahafaty ny vadiny ity, mandra-piandry ny fotoana hitsarana azy.
A.R.