Ny alakamisy teo ny Minisitra misahana ny filaminam-bahoaka no nanainga atsy amin’ny nosy rahavavy Maorisy, niaraka tamin’ny delegasiona. Nitsabo tena no anton-diany any an-toerana raha araka ny fanamarinana natao teo anivon’io vondron’ny mpitandro ny filaminana io. Fanindroany izay no nivoaka ny tanindrazana ny tenany mba hotsaboina ary samy tao amin’ny nosy rahavavy hatrany no nanaraka izany. Raha ny fantatra dia ny Praiminisitra no nanolo toerana vonjimaika azy mandritra izao tsy fahasalamany izao. Ministera roa izany no tantanan’ny lehihen’i Mahazoarivo amin’izao fotoana izao, ny Ministeran’ny Atitany sy ny Filaminam-bahoaka.
D.R