Tratra avokoa ireo efadahy nandoro velona an’ilay ramatoa 80 taona tao amin’ ny fokontaninAmbohimena, ao anatin’ny kaomin’Andaingo, ary efa any am-ponja avokoa izy efatra mirahalahy noho ny fiaraha-miasan’ny fokonolona sy ny zandary. Mbola nahatrarana ombin’olona 17 nafenina ihany koa tao anaty ala tao Moratelo. Mbola nihevitra ny hangalatra omby hatrany moa ireto olon-dratsy ireto, raha ny teti-dratsiny, noho izy ireo efa nanana antoka isan’omby maromaro. Efa nahamahana ny manodidina ny fisian’ireo olona tsy monina teny an-toerana, ny tolak’andron’ny 06 novambra lasa teo, ka nahamora ny fanadihadihana nataon’ireo mpitandro filaminana. Efa matetika miditra ny fonja ny anakiroa amin’ireo olona tratra ireo ka mampanahy ny mponina raha toa ka ho tafavoaka indray aorian’izao amin’izay mety hataony. Efa tafaverina any amin’ny tompony avokoa ireo omby, ary efa nahazo ny fitsaboana sahaza azy avy ireo nodorana velona tao an-tranony. Tsy hijanona hatreo anefa ny andrimasom-pokonolona fa mbola mitohy ny fifanomezan-tanana amin’ireo mpitandro filaminana.
CATHY
