Nanararaotra ny ora-mikija nentin’ilay rivo-doza ve ? Fantatra fa vaky omaly ny fonja ao Moramanga, araka ny vaovao azo avy any an-toerana. Ny maraina teo, tokony ho tamin’ny telo ora sy sasany maraina tany ho any no tafaporitsaka ireo gadra niisa 14 tao an-toerana. Saika iray efitrano avokoa ireto voafonja tafatsoaka ireto, izay tao amin’ny « chambre B » raha ny vaovao. « Efa ao anatin’ny fanenjehana sy ny fikarohana tanteraka azy ireo izahay (…) Tsy mbola misy vaovao afaka omena ankoatr’izay fa mbola ao anatin’ny fanadihadiana tanteraka izahay » hoy ny Lehiben’ny fonja tao Moramanga raha azo an-tariby omaly. Marihana fa nisy avy hatrany ihany koa ny fidinanan’ireo tompon’andraikitra taorian’izay tany an-toerana, raha ny angom-baovao azo hatrany. Hatreto, hatramin’ny ora nanoratanay omaly dia mbola nisy voasambotra ireo gadra tafatsoaka ireo. Efa miara-miasa amin’ny fikarohana izany kosa ireo tompon’andraikitry ny filaminana any an-toerana.
m.L
