Ramatoa iray mpiandry tanàna ; izay voalaza fa nangalatra vola iray tapitrisa sy volamenan’ny mpampiasa azy very tsy hita tao an-trano no maty noho ny daroka nandritra ny fanadihadiana nataon’ny miaramila azy, tany Antanimeva distrikan’i Morombe, afak’omaly. Raha ny fantatra dia tsy tao an-trano ny tompon-trano ny faran’ny herinandro teo, ka voalaza fa ity ramatoa namoy ny ainy vokatry ny vono nihatra taminy ity notondroin’ny mpampiasa azy fa nangalatra an’ireo fananany, ka niantsoana mpitandro filaminana, ary niafara amin’izao fahafatesana izao. Tsy manaiky ny havan’ny maty ka nitory ary misokatra ny fanadihadiana amin’ity vono olona ity, hoy ny vaovao.
Eric Manitrisa