Noho ny firongatry ambalavelona (ambalapengitsy), nanomboka ny alatsinainy teo, any amin’ny Kaominina ambanivohitr’i Bemanonga, distrikan’i Morondava, faritra Menabe. Taorian’ny fidinana nataon’ny Ben’ny tanàna sy ny Lehiben’ny fari-piadidiam-pampianarana Morondava, dia nanapa-kevitra ny mpitondra any an-toerana nampiato vonjimaika ny fianarana ao amin’ny EPP Marovoay sy ny CEG ary Lycée ao Bemanonga mandra-pahitana vahaolana. Raha ny vaovao voaray, ireo ankizivavy no tena lasibatr’ity aretin’ny maizina ity, ary efa tafakatra telopolo ireo voa, ka nisy tamin’ireo ankizy tratran’ny ambalavelona no nentina tao amin’ny FLM Bemanonga ivavahana sy ametrahan-tanana hanalana ny fanahy ratsy mangeja sy mampahery fihetsika azy ireo.
Eric Manitrisa