ASCAM na “ Association Sportives et Associations des Aveugles Modernisés » eto Antsirabe no manana mpilalao baolika kitra ho an’ny olona manana olana ara-pahitana na cecifoot amin’ny alalan’ny baolina misy korintsana. Efa tamin’ny taona 2019 no nisiany, tanjona dia fitazaina ara batana sy ara tsaina ireo olona manana olana ara pahitana ireo.
Maro ny olana sedrain’ny fikambanana raha tsy hiteny afa tsy ny fampitaovana. Noho ny fiaraha miasa amin’ny cecifoot avy atsy amin’ny Nosy La Réuniona nefa dia nahazo tohana tamin’ity farany ny ASCAM entina mpiroboroana ity baolina kitra ho an’ny jamba ity.
Ankoatra ny fanolorana baolina kitra sy godasy ary fampitaovana hafa dia nanamafy ny Ceciffot ao La Réunion fa hitondra tohana hafa ary efa vononana hanohana ara bola hananganana kianja filalaovam-baolina mifanaraka amin’izany. Ny Governoran’ny faritra Vakinankaratra rahateo efa nampanantena fa hanoma tany mirefy 2000m2 eo amin’ny piste vatofotsy hananganana ity kianja ity.
Andry N.
