Ankizy 11 avy amin’ny zanak’olona sahirana tao amin’ny fokontany Mangarano I p/elle 11/46, no notoloran’ny filoham-pokontany fanomezana. Nisy ny fanampiana ny ray aman-drenin’ireto ankizy 11 ireto amin’ny fanampiana ny fampidirana an-janany eny anivon’ny CEG, ka Ceg iray ao an-toerana ihany no nisafidy niara-niasa tamin’ity fokontany ity dia CEG Mangarano. Nisy mantsy ny fiaraha-miasa tamin’ny filoham-pokontany sy ny talen’ity CEG ao Mangarano ity, ka nahatonga izao fampidirana mpianatra sahirana ao amin’ity CEG ity. Araka ny fanazavana nomen’ny filoham-pokontany dia noho ny fahasahiranana ny ray aman-dreny amin’izao fotoana izao, ka mba fitsinjovana ireo ankizy ireo mba tsy ho tapaka fianarana dia natao izao fiaraha-miasa izao. Araka ny voalaza hatrany dia fanao tao anatin’ny efa-taona teo anivon’ny fokontany izao hetsika izao, ka arakaraky ny misy eo an-tanana sy ireo tena sahirana no nomena fanampiana. “Tsy misy manana ny ampy, fa tsara ny mifanampy” no tanjona amin’izao fanampiana nataon’ny fokontany Mangarano I izao. Mbola hitohy hatrany izany raha mbola voatazona ho filoham-pokontany ny tenany…
Malala Didier
