Nanomboka omaly ny fanadinana bakalorea teto amintsina toy izany koa ny teto Toamasina. Nisafidy ny tao amin’ny lycée J Rabemananjara ireo tompon’andraikitra teto Toamasina renivohitra nanokafana izany fanandinam-panjakana izany, ka nitarika azy ireo tamin’izany ny filohan’ny Oniversiten’i Toamasina Barikadimy Atoa Pr. Razanakolona Diny. Niara-dia taminy nandritra izany ny governoran’i Toamasina Atoa Rakotovao Andry sy ireo mpiara-miasa aminy. Araka ny fantatra dia miisa 33.967 ireo mpiadina bakaloreo ato anatin’ny faritan’I Toamasina, ahitana ny faritra Alaotra-Mangoro – ny faritra Atsiananana – ny faritra Analanjirofo – ary ny faritra Ambatosoa. Ao anatin’izany dia miisa 32.204 ny mpiadina avy amin’ny sekoly ankapobeny, raha miisa eo amin’ny 1.663 ny mpiadiana ara-teknika. Miisa eo amin’ny 31.914 ireo mpianatra avy amin’ny sekoly, raha miisa 2.053 kosa nisora-tena manokana, izay nahita fiakarany eo amin’ny 1,13% ny tahan’ny mpiadina fanadinana bakalorea tamin’ity taona ity. eo amin’ny 12vtaona ny zandriny indrindra raha 59 taona ny zokin’ny indrindra izay samy sokajy A2 avokoa izy ireo rah any fanazavan’ny filohan’ny oniversite Toamasina. Ny taranja filozofia no nanombohana izany ny omaly maraina fanombohana, ary nilamina tsara ny fandehan’ny fanadinana na manao ny fanaraha-maso farany izay henjana ireo tompon’andraikitra amin’ireo mitady hanakorontana ny fanadinana amin’ny fisian’ny tranga na fivoahan’ny laza adina mialoha ny fotoana ary tsy andefitra amin’ireo izay tratra manao izany.
Malala Didier
