Niverina fanintelony teny amin’ny Consulat frantsay etsy Antsahavola indray i Ninie Donia omaly. Ny tompon’andraikitra voalohany tao an-toerana mihitsy no nivoaka ary nanazava taminy fa tokony hivoaka izy satria amin’ny lalàna dia efa toy ny manitsaka ny tany frantsay raha manitsaka ny biraon’ny consulat etsy Antsahavola, ary efa azo enjehina amin’ny lalàna mifanandrify amin’izany ihany koa raha sendra misy ny fandikàn-dalàna mitranga. Niaraka tamin’ny zandary frantsay roa ilay tompon’andraikitra tamin’ny fitenenana an’izany. Niala moramora teo an-toerana ilay artista malagasy izay tokony hamonjy fodiana any frantsa maika noho ny aretina mahazo an-janany. Inona ny tena marina momba ity tranga ity? I Ninie Donia dia nanazava fa efa monina sy mipetraka any izy ary ara-dalàna ny taratasy ahafahany mijanona any. Ny fampitam-baovaon’ny consulat indry anefa dia manipika fa voamarina tanteraka ny tsy fanomezana “visa” azy noho izy tsy ara-dalàna eo amin’ny fipetrahany any frantsa.
D.R
