Mandritra ny efatra ndro tao amin’ny « centre recreatif » Abba Farafangana, ny fanamafisana fahaiza-manao’ny tambajotra miaro ny zon’ny ankizy, na ny RPE, na « Réseau pour la Protection de l’Enfant », ao amin’ny fairtra Atsimo Atsinanana. Mitarika ny fampiofanana ny avy amin’ny ministeran’ny mponina sy ny firaisankina ary ny Unicef, izay mpiara-miobona antoka. Mandray anjara ireo mpikambana rehetra, nahitana ny avy amin’ny faritra, ny prefktiora, ireo fitalevam-paritra isan-tsokajiny, ny hery velona rehetra, ny solontena avy amin’ny ben’ny tanàna sy ny sefo fokontany, izay nijery ireto lohahevitra ireto : Fiarovana ny ankizy ; herisetra mianjady amin’ny ankizy ; fampahafatarana ny tambajotra fiarovana ny ankizy sy ny asa fitorohana ; fampahafantarana ny hamehana sy ny tranga amin’ireo olona manana fahasembanana sy ny andraikitry ny tambajotra mandritra ny hamehana. Nampahatsiahivina ihany koa ireo karazana herisetra mianjady amin’ny ankizy, izay mety ho ara-nofo , ara-batana, ary ara-tsaina . Tanjona aorian’ny artrikasa ny mahafantatra ny fiarovana ny ankizy, maharafitra fandaharan’asa ho fiarovana ny ankizy. Vita manaraka ny vanin’andro ny « mapping de service ». Mahafehy ny fandrindrana ny fiarovana ny ankizy. Raha ny zava-misy any an-toerana dia maro ireo zaza tsy ampy taona no miasa an-trano vokatry ny fahantrana sy tsy fisiana amin’ireo ray amandreny. Manimba ireo ankizy koa ny fampiasana ireo tambajotran-tserasera sy ny fanentanana amin’ny hrisetra ka sahirana ireo ray aman-dreny amin’ny fanabeazana ny ankizy, ary lasa be famaliana. Marihina fa mijoro ara-panjakana ny tambajotra. Samy miaiky ny mpikambana amin’ny tambajotra fa tsy mora ny asa miandry fa nifanome toky samy handray andraikitra ho fanombohana, noho ny tombontsoa ambonin’ny ankizy.
Yv Sam
