Vokatry ny fihinanana trondro vaventy antsoina hoe : sifaka, dia ankizikely roa 3 taona sy 9 taona no maty, ary olona 17 hafa marary mafy, tany Nosy Varika. Ny faramparan’ny herinandro teo no nitranga ity fahapoizinana ara-tsakafo ity, ary mbola misy amin’ireo marary no manaraka fitsaboana any amin’ny tobim-pahasalamana, tsaboina maimaim-poana, ary tsy misy atahorana intsony ny ain’izy ireo, raha ny nambaran’ny mpitsabo any an-toerana. Raha ny tati-baovao azo dia tsy azo hanina ity karazana trondro iray ity, kanefa noho ny fahasahiranana misy dia mbola nandrahoin’ ny olona ihany ka nohaniny, ka ireo zaza tsy manan-tsiny mety tsy nahazaka ny poizina tamin’ireo hazan-drano no namoy ny ainy. Ankoatra izay, dia tovolahy iray nilomano no tsy hita popoka natelin’ny rano, afak’omaly, ary mbola karohina hatramin’izao.
Eric Manitrisa
