Ny alakamisy 13 febroary teo no hitan’ ny olona tany anaty ranomasina tao Nosy-Varika ny “bois de rose”. Bolabolan’ andramena telo amby dimam-polo no fantatra fa nisy nametraka teo amoron-dranomasina sy tao anaty rano,avy hatrany dia nandeha ny tatitra momba izany ka ny zandarimaria tany an-toerana no nanao ny fizahana, avy eo dia nampandre ny mpiasan’ ny rano sy ny ala ary ny Sefo distrika tany an-toerana, natao ny fivoriana tamin’ izany ka nanapakevitra ny hidina teny an-toerana hizaha ifotony ny toe-draharaha ireo manampahefana isan-tsokajiny. Tsy nisy nahafantra moa na ny tompony na izay toerana saika hamindrana andramena izany, raha ny siosion-dresaka teny dia mety ho saika taomina amin’ ny baka izy ireo no tsy zaka ,dia izao tavela tao anaty rano izao, efa eo am-panaovana ny famotorana moa amin’ izao fotoana izao ny Borigadin’ ny Zandarimariam-pirenena ao Nosy-Varika.
ALEM
