Hataraina ny an’ireo mponina tany amin’ny kaominina ambanivohitra Beratsimanina an-tampon-tanàna, aty amin’ny disitrikan’i Maevatanàna, rehefa naheno ny zava-nitranga nahazo ireo olona telolahy maty sempotra nanadio vovon-drano, tamin’ny herin’ny asabotsy lasa teo iny. Raha ny fampitam-baovao voaray any an-toerana hatrany dia vovon-drano nareninana, tototry ny tany, ity nanakaramana, azy telolahy ity. Raikitra tokoa ny fifanarahana fanadiovana tamin’ilay vovon-drano ka nidina nilatsaka tao ny iray, saingy nahatsapa fahasemporana be, ka niezaka niakatra hiverina, fa tsy tafavoaka tao intsony. Rehefa nahita izany ny zaodahiny dia nidina namonjy azy, kinanjo tsy tafiakatra ihany koa. Nahita an’io ny fahatelo, mpiray tampo amin’ilay nidina faharoa, dia namonjy hanavotra ny rahalahiny avy hatrany, saingy niafara tamin’ny fahatesan’izy ireo izany. Nezahin’ny fokon’olona novonjena izy telolahy. Efa nentina niakatra amin’iny faritra foko Betsileo iny ny fatin’izy roalahy mpiray tampo. Nalevina ao Beratsimanina an-tampon-tanàna kosa ny razana fahatelo. Hatreto aloha dia mbola tsy fatantara mazava na vokotr’ilay vovon-drano tsy ary nisokotra mihitsy na hafanana sy etona tsy mifanaraka amin’ny rivotra eto ambonin’ny tany no olana.
Ratantely
