Tsy nampoizin’ity lehilahy ity mihitsy ny velapandrika nahazo. Voasambotry ny polisy avy ao amin’ny Fitaleovam-paritry ny Filaminam-bahoaka SOFIA ny lehilahy iray 49 taona ny alin’ny 09 febroary 2022 lasa teo nandritra ny sakana natao noho ny fitondrana zava-mahadomelina. Teo am-panatanterahana ny ezaka amin’ny fanaraha-maso ny faritra iadidiany mba hiadiana amin’ny endrika tsy fandriampahalemana misy akehitriny indridra ny polisy no nahazo izao vokatra izao. Na,dritra nhy sakana mba hahafahana manara-maso ireo entana sy olona mifamezivezy izy ireo no nahatsikaritra zavatra tamin’ny entana nentina mpadeha « taxi-brousse » tao Aandriambavontsona, taoPort Bergé, ny alin’ny 09 febroary 2022 tokony ho tamin’ny 08 ora sy 30mn. Lehilahy iray 49 taona tao anaty fiara fitateran’ olona no nahitana sakaosy miisa 02 izay nisy rongony milanja 8kg. Araka ny fantatra dia nojifaina tany amin’ny faritra Ambalafaminty ilay rongony ary entina amidy any amin’ny faritra Mahajanga. Anisan’ny mpamatsy zava-mahadomelina ny faritra Mahajanga moa ity lehilahy voasambotra ity.
T.M.
