Tokony ho tamin’ny dimy ora hariva omaly no nisy naka an-keriny ny karàna iray tompon’ny “quicaillerie nationale” ao Toamasina. Iny izy handeha hivoaka ny toeram-pivarotana iny, raha avy nanidy izany, no tonga ireo olon-dratsy. Nandeha fiara tsy mataho-dàlana izy ireo ary nanambana basy no sady nampiditra an-keriny ilay karàna tao anatiny. Tamin’ny ora nanoratanay omaly dia mbola tao anatin’ny fanenjehana tanteraka ny mpitandro ny filaminana. Mafampana ny asan-jiolahy ao Toamasina. Ny faran’ny herinandro teo dia nisy ny roalahy, izay voasambotry ny polisy ary voaporofo fa olona mbola tokony higadra izy ireo no nomena basy handroba. Mpitandro ny filaminana no tompon’ny basy. Mafampana…
D.R/JC Steve
