Zandary nanao fisafoana avy ao amin’ny « brigade de Police de la Route » ao Toamasina no nahazo ireo jiolahy mpanakan-dàlana sy mpandroba fiara amin’iny làlam-pirenena faharoa (RN2) iny, ny 08 jona 2020 tamin’ny 02 ora maraina. Araky ny loharanom-baovao, dia « Camion bâché » iray nihazo iny làlana iny no lasibatr’ireto olona ireto, ny alin’ny 07 jona 2020 tokony ho tamin’ny 08 ora alina, teo amin’ny toerana antsoina hoe Andalamahitsy/Sandranentana, kaominina ambanivohitra Fanandrahana, Toamasina faharoa. Lasa tamin’izany ny » bicyclette iray, Nahatsikaritra olona iray mampiahiahy mandeha irery tamin’ny andro maizina be ny zandary ka nisambotra izany avy hatrany. Natao ny fanadihadiana ka tsapa fa kara-panondro hosoka no navoakan’ity olona. Rehefa nohadihadiana lalina ity olona mampiahiahy ity, dia nanoro trano kely iray eo amin’ny » PK 315 » manamorona iny làlam-pirenena faharoa iny ihany, trano kely fiafenan’izy ireo rehefa manao ny asa ratsiny. Rehefa nosavaina ity trano ity, dia mbola tratra tao ny namany iray. Nahitana « barre pince » sy antsy fanaovan’izy ireo ny asa ratsiny, hita tao ihany koa ny « bicyclette » halatra iray ; izay voalaza etsy ambony.
Voatazona vonjimaika any am-ponja ireto olon-dratsy ireto, taorian’ny famotorana sy fanaterana azy teny amin’ny Fampanoavana Toamasina.
T.M.
